આવીરે વેવાઈની જાન

આવી રે વેવાઈની જાન, વરરાજા દેખાણા, (2)
મસ્તીમાં સૌ છે ગુલતાન જાનૈયા દેખાણા,
આવી રે......

વરના કાકાને વરના મામા, પહેરી ઉભા જરકસી જામા, (2)
જોવા ઉમટ્યુ લોક તમામ, જાનૈયા દેખાણા,
આવી રે......

વરની માંતો લાગે સદ્ધર, વાજા વાગેને ચાલે અધ્ધર, (2)
સહુને આપે એવા માન, વરરાજા દેખાણા,
આવી રે......

ઢોલ નગારાને ત્રાંસા વાવે, સંગે શરણાયુના શુરો ગાજે, (2)
ભલે પધાર્યા આજ મહેમાન, જાનૈયા દેખાણા,
આવી રે......

ઘુસળ મુસળ ત્રાક રવાઈ, સાસુએ પોખ્યા આજ જમાઈ, (2)
નાક તાણી કહે રાખજો ભાન, વરરાજા દેખાણા,
આવી રે......