વર આવ્યો કેસરીયો

આવી આવી મોટા ઘરની જાન, વર આવ્યો કેસરીયો (2)
મસ્તીમાં છે સૌ ગુલતાન, કે વર આવ્યો કેસરીયો,
આવી...

વરનું મુખ ચંદરવા જેવું રૂપાળુ,
માંડવામાં આવ્યાને થયુ અજવાળુ,
સૌ જાનડીયુ ગાય મંગળ ગાન, કે વર આવ્યો કેસરીયો,
આવી...

વરની સંગે અણવર મુખડુ મલકાવતો,
વરની આજ્ઞાને એ માથે ચડાવતો,
સૌને ખવડાવે તંબોડી-પાન, કે વર આવ્યો કેસરીયો,
આવી...

વરના કાકા-કાકી ભત્રીજા પરણાવે,
વરના મામા-મામી ભાણેજ પરણાવે,
સૌને વરની માં દેતી બહુમાન, કે વર આવ્યો કેસરીયો,
આવી...

નવલા વેવાણ આજ મસ્તીમાં રાચતા,
જાનડીયુ સંગેએ થનગનાટ નાચતા,
રાખે ઉંચી કુટુંબની શાન, કે વર આવ્યો કેસરીયો,
આવી...