શ્રી લોટાની થાળી કરમા જળ

વરરાજને પોંખવા કાજે સાસુ ઉંબરે જાય
શ્રીલોટાની થાળી કરમાંજળ ભરી છલકાય

પેલે પોંખણે રવાયે પોંખે છે, એવો રવાયે કોણ કોણ સાહે છે
પેલે પોંખણે વરરાજાની ભ્રમર ફરકાય
શ્રીલોટાની થાળી...

બીજે પોંખણે ધોંસરીએ પોંખે છે, એવી ધોંસરીએ દોરે સાહે છે
બીજે પોંખણે વરરાજાનું મુખડું મલકાય
શ્રીલોટાની થાળી...

ત્રીજું પોખણું તરાકે પોંખે છે, એવી તરાકે રેંટિયો સાહે છે
ત્રીજે પોંખણે વરરાજનો સાફો ઝળહરે છે
શ્રીલોટાની થાળી...

ચોઠે પોંખણે પીંડીએ સાહે છે, એવી પીડીંએ હાથ સાહે છે
નાક તાણીને પીંડી ઉતારી ચારે દિશા ફેંકાય
શ્રીલોટાની થાળી...